समाचार
मिलेनियम गुफा
तनहुँ र स्याङ्जाको सिमानामा रहेको मिलेनियम गुफा शुक्लागण्डकी नगरपालिकाको एक चर्चित पर्यटकीय गन्तब्य स्थल हो । दुलेगौंडा बजारबाट १७ किलोमिटर दुरीमा रहेको यो गुफा पुग्न १ घण्टा ३० मिनेट मोटर यात्रा गरेपछि घडेरी गाउँ पुगेर १५ मिनेट पैदल यात्रा गर्नुपर्दछ । मिलिनियम गुफाको विकास गर्न शुक्लागण्डकीकै गाछेपानीबाट सुरु हुने गरि यही रुटमा मिलेनियम ट्रेक पनि सञ्चालन गरिएको छ ।
प्रकृतिको अनुपन उपहार जस्तै लाग्ने प्राकृतिक सु्न्दरता भरिपूर्ण वातावरणमा रहेको यस गुफाको प्रबेशद्धारा सामान्य लागेपनि भित्र गएपछि सुन्दर र फराकिलो दृश्य देख्न सकिन्छ । गुफा भित्र रहेको पानीको झरना र विभिन्न आकृतिका पथ्परहरुको कारण पर्यटकहरु मोहित हुने गरेका पाइन्छ ।
पृथ्वी राजमार्गको दुलेगौँडाबाट १७ किलोमिटर टाढा रहेको सो ठाउँमा जिपबाट यात्रा गर्नुपर्ने र त्यहाँ पोखरा महानगरपालिका वडा नं ३३ भरतपोखरीबाट प्युरी दोभान हुँदै पनि आउन सकिन्छ । मिलेनियम ट्रेकअन्तर्गत पर्ने यस गुफाको थप प्रचारप्रसार एवं विकास गर्ने लक्ष्यका साथ काम अघि बढाइएको छ ।
