समाचार
भुजिकोट
तनहुँको भुजिकोट आन्तरिक र बाह्य पर्यटकहरुलाई उत्कृष्ट गन्तब्यको रुपमा परिचित छ । यहाँबाट देखिने सुर्याेदय र सुर्यास्तको दृश्यले पर्यटकको मन लोभ्याउने गरेको छ ।
प्राकृतिक सुन्दर वातावरणमा रमाउन चाहाने पर्यटकले भुजिकोट भ्यूटावर भएको स्थानमा बसेर सहजै तनहुँ, सहित कास्की, स्याङ्जा, पाल्पा, बाग्लुङ, पर्वत, नवलपुर, लमजुङ गोर्खा लगायतका जिल्ला अवलोकन गर्न सकिन्छ । यहाँबाट देखिने कास्कीका ताल तलैया र धौलागिरीदेखि गणेश हिमालसम्मको हिमशृङ्खलाले पर्यटकहरुलाई मोहित बनाउने गर्दछ ।
नेपालका मगर र गुरुङ्ग समुदायका संस्कृति सहितको होमस्टे र यहाँका कृषकले उत्पादन गरेका अर्गानिक मह, कोदोको रक्सी र लोकल कुखुराको मासुको स्वाद विशेष रहेको छ । दगाम, भुजिकोट क्षेत्रमा पर्यटकहरु प्रकृतिको सुन्दर दृश्य सँगै ग्रामिण जनजीवन नियाल्न पुग्ने गरेका छन् ।
यहाँ पुग्न शुक्लागण्डकी नगरपालिकाबाट सवारी साधनमा कोत्रे, एक्लेखेत, तार्कुडाँडा, मकानपुर हुदै भूजीकोटसम्म ४० मिनेटमा पुग्न सकिन्छ भने पैदल यात्रा मार्फत दुलेगौडादेखि बन्केवाको कालिका मन्दिर हुदै १ घण्टा २० मिनेटमा पुग्न सकिन्छ ।
